Sto facend’e bbalice.
Me so’ mmiso
a scartà carte,
lettere, ritratte,
tutte’ e commedie
Ca numn’aggio scritte,
‘e cose belle
ca numn’aggio fatto:
cc’à stann’è fesserie,
cc’à stann’è fatte.
Ma che me porto,
che m’aggia purtà?
Tu, quanno parte
pè stu viaggio luongo,
ca nun saie si accumencia
o si è fernuto,
comme può dì:
“Me porto appriesso ‘e fatte”,
oppure:
“Mò me porto ‘e fesserie”?
Io me nce songo miso
C’ ‘o penziero e, ‘a verità,
ve dico chiaro e ttunno,
aggio ditto:
“Mò faccio a capa mia:
me voglio purtà
‘e fatte all’ato munno,
e lasso nterra
tutt’ ‘e fesserie”.
Eduardo De Filippo
